Teknisk sektor er ein sentral del av kommuneorganisasjonen og har ansvar for planlegging, forvaltning, drift og vedlikehald av teknisk infrastruktur og eigedomar i kommunen. Kommunalsjefen har ansvaret for sektoren og kan svare generelt for sektoren og spesielt i høve kommunale planar og motorferdsel i utmark.
Tenestene til teknisk sektor kan samanfattast slik:
Kommunale vegar og trafikk: Drift og vedlikehald av kommunale vegar, fortau, gatelys og trafikksikringstiltak.
Vatn og avløp: Produksjon og distribusjon av reint drikkevatn, samt handtering og reinsing av avløpsvatn.
Avfall og renovasjon: Eigen drift av avfallsinnsamling og miljøstasjon.
Byggesak og kart/oppmåling: Sakshandsaming etter plan- og bygningslova, kartforvaltning og oppmålingstenester.
Eigedom og byggforvaltning: Drift og vedlikehald av kommunale bygg som skular, barnehagar, rådhus og omsorgssenteret.
Planarbeid: Kommuneplan, reguleringsplanar, arealplanlegging og overordna utviklingsstrategiar.
Landbruk og miljø: Landbruksforvaltning og miljøarbeid under teknisk sektor.